Qyzylordada 4 jasar balanyń asqazanynan 1,5 keli shash alyndy

QYZYLORDA. QazAqparat - Qyzylordada dárigerler 4 jasar balanyń asqazanynan salmaǵy 1,5 keli, uzyndyǵy 40 santımetrge jýyqtaıtyn jınalǵan shashty alyp tastady, dep habarlaıdy QazAqparat tilshisi.

Atalǵan otany Qyzylorda oblystyq kópsalaly balalar aýrýhanasynyń hırýrgteri jasap shyqty. Naýqas «asqazan trıhobezoary» dıagnozymen aýrýhanaǵa jatqyzylǵan bolatyn.

«Bala aýrýhanaǵa kelgen sátte tábeti bolmaı, ishi aýyryp mazasy kúıge túsken. Qusý sekildi jaısyzdyqty sezingen. Tekserý jáne dıagnoz qoıý kezinde isik tárizdi túzilim anyqtaldy. Alǵashqyda balanyń jaǵdaıy aýyr ekeni belgili boldy. Balaǵa «Asqazannyń trıhobezoary» dıagnozy qoıylyp, oǵan shuǵyl túrde ota jasaldy»», - dedi oblystyq kópbeıindi balalar aýrýhanasynyń jansaqtaý bóliminiń meńgerýshisi Aıgúl Aǵymbaeva.

Otany hırýrg hırýrg Álimjan Tólegenov pen anestezıolog Igor Samsonov oıdaǵydaı jasap shyqty.

Mamandardyń aıtýynsha, trıhobezoar asqazanǵa bógde zat jınalaýynan bolady. Jabysqan shash nyǵyzdalyp, tasqa aınala túsedi.

Eske salsaq, budan buryn Qyzylordada abaısyzda aryqqa qulap ketken sábı kóz jumdy.