Qyzylordada 34 jastaǵy turǵyn bir aıdan beri tabylmaı jatyr

QYZYLORDA. QazAqparat - Qyzylorda qalasynyń 34 jastaǵy turǵyny bir aıǵa jýyq ýaqyttan beri tabylmaı jatyr, dep habarlaıdy QazAqparat tilshisi.

Qyzylorda qalasynda turatyn Rahymetov Marat Nuryldauly ótken jylǵy 20 jeltoqsanda úıinen belgisiz baǵytqa shyǵyp ketken. Sodan beri úıine qaıta oralmaǵan.

«Osyǵan baılanysty Qyzylorda qalalyq Polıtsııa basqarmasy izdeý salady. Erekshe belgileri - boıy: 1,70 sm, orta deneli, shashy sary, kózi kara, eki betinde meńi bar. Kıimderi: qońyr tústi jempir, kók tústi shalbar. Atalǵan habarlama boıynsha qandaı da bir aqparat nemese júrgen jeri týraly málimet bilgen jaǵdaıda 8(7242)-29-75-20 telefondaryna nemese 102 arnasyna qońyraý soǵýdy suraımyz», - dep jazylǵan Qyzylorda qalalyq polıtsııa basqarmasy taratqan habarlamada.

Eske salsaq, budan buryn Qyzylordada 46 jastaǵy azamat alty aıdan beri habarsyz.

Foto: Qyzylorda qalalyq polıtsııa basqarmasy