QYZYLORDA. QazAqparat – Qyzylorda qalasynda 32 jastaǵy azamatsha 11 kúnnen beri tabylmaı jatyr, dep habarlaıdy QazAqparat tilshisi.
Qyzylorda qalasynda turatyn 32 jastaǵy turǵyn Janerke Baızaqova úıinen 9 tamyzda belgisiz baǵytqa shyǵyp ketken. Sodan beri úıine qaıta oralmaǵan.
«Osyǵan baılanysty Qyzylorda qalasy Polıtsııa basqarmasy izdeý salady. Erekshe belgileri tómendegishe: boıy – 1,70-1,75 sm, orta deneli, kózi qara, shashy qońyr tústi.
Atalǵan habarlama boıynsha qandaı da bir aqparat nemese júrgen jeri týraly málimet bilgen jaǵdaıda 8-(7242)-29-75-20 nemese 102 arnasyna qońyraý soǵýlaryńyzdy suraımyz», - dep jazylǵan Qyzylorda qalasy Polıtsııa basqarmasy taratqan habarlamada.
Eske salsaq, budan buryn Qyzylorda oblysynda joǵalǵan 7 jasar qyzdyń denesi tabyldy.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.