Qyzylordada 315 myńnan astam adam koronavırýsqa qarsy vaktsına saldyrdy
2020 jyldan indet tirkelgeli beri óńirde 18 015 adam koronavırýs juqtyrdy. Olardyń arasynda 17068 adam emdelip shyqty. Bul - naýqastardyń 95 paıyzy.
Qazir oblys boıynsha ınfektsııalyq statsıonarda 252 naýqas adam em qabyldaýda. Ol - jalpy júktemeniń 33 paıyzy. Al reanımatsııalyq tósek orynda 30 naýqas em qabyldap jatyr, bul júkteme 35 paıyzdy quraıdy.
«Oblys boıynsha vaktsınatsııalaý jumystary bıylǵy jyldyń 1 aqpanynan bastaldy. Buǵan baılanysty aımaqta koronavırýsqa qarsy ımmýndaý naýqanyna 106 ekpe kabıneti, onyń ishinde aýdandarda 91 kabınet tartylǵan. Mundaı oryndar shalǵaıdaǵy aýdan ortalyqtarynda, uıymdasqan ujymdarda, adamdar kóp jınalatyn jerlerde turǵyndarǵa qyzmet kórsetedi. Bul maqsatta arnaıy oqytylǵan medıtsınalyq personal jumysqa tartylǵan. Qazirge deıin vaktsınanyń birinshi komponentimen egilgender sany – 315 096 adam. ıAǵnı halyqtyń qamtylýy - 78,6 paıyz. Al tolyq komponentin alǵandar - 261 031 adam (65,1 paıyz)», - dedi oblystyq densaýlyq saqtaý basqarmasy basshysynyń orynbasary Jangeldi Shaıymbetov.
Vedomstvo málimetinşe, oblys boıynsha 20 medıtsınalyq mekemede (sonyń ishinde qala boıynsha 11, aýdan boıynsha 9 medıtsınalyq mekeme) koronavırýs ınfektsııasyna qarsy egý jumystary júrgizilýde. Bul oryndar turǵyndarǵa saǵat 08.00 men 18.00 aralyǵynda úzilissiz qyzmet kórsetedi.
Aıta ketsek, buǵan deıin Qyzylordada 126 oqý synyby 14 kúnge karantınge jiberildi .