Qyzylordada 251 myńnan astam adam koronavırýsqa qarsy vaktsına saldyrdy
Óńirde qaterli indetke qarsy ekpe qabyldaý 1 aqpannan bastaldy. Nátıjesinde qazir vaktsınanyń birinshi komponentin alǵandar 251 myńnan assa, ekinshi komponentin 196 myńnan astam adam saldyrdy.
Oblystyq densaýlyq saqtaý basqarmasynyń habarlaýynsha, ekpe qabyldaǵandar qatarynda pedagogter, medıtsına salasynyń mamandary, quqyq qorǵaý organy qyzmetkerleri, memlekettik qyzmetshiler, stýdentter sany basym.
«Óńirde egde jastaǵy adamdar da qaterli indetke qarsy vaktsına qabyldaýda. Vaktsınadan keıin turǵyndarda asqyný bolǵan joq», - dep málim etti Qyzylorda oblystyq densaýlyq saqtaý basqarmasynan.
Aıta ketý kerek, koronavırýs ınfektsııasyna qarsy ımmýndaý naýqanyna 106 ekpe kabıneti men 37 jyljymaly pýnkttiń jumysy uıymdastyrylǵan.
Eske salsaq, budan buryn Gúlshara Ábdiqalyqova óńir jurtshylyǵyna úndeý joldady