Qyzylordada 2 avtobýs soqtyǵysyp qaldy

QYZYLORDA. QazAqparat – Qyzylorda qalasynda kóktaıǵaq saldarynan jolaýshylar tasymaldaýǵa arnalǵan eki avtobýs soqtyǵysyp qaldy, dep habarlaıdy QazAqparat tilshisi.

Oqıǵa 2 aqpanda saǵat 08:00 shamasynda Qyzylorda qalasynyń sol jaǵalaý bóliginde bolǵan.

«Sol aýmaqta ornalasqan «Orda School» mektebiniń janynda «Yutong» úlgisindegi qoǵamdyq eki avtobýs soqtyǵysyp qaldy. Oqıǵa saldarynan zardap shekken 3 jolaýshyny dáriger tekserip, keıin úılerine qaıtarǵan. Olardyń jaǵdaıy turaqty. Jol-kólik oqıǵasyna baılanysty tıisti qujattar jınaqtalyp, saraptamalar taǵaıyndaldy», - dedi Qyzylorda qalalyq polıtsııa basqarmasynan.

Eske salsaq, budan buryn Qyzylorda men Túrkistan oblystarynda aýa raıynyń qolaısyzdyǵynan kólik qozǵalysy shekteldi. Sondaı-aq Almatyda eki avtobýs soqtyǵysyp, alty adam jaraqat aldy.

Avtordyń fotosy