Qyzylordada 1590 turǵyn «Pfizer» vaktsınasyn saldyrdy
15:35, 23 Qarasha 2021
QYZYLORDA. QazAqparat - Qyzylorda oblysynda qazirge deıin 1590 turǵyn «Pfizer» vaktsınasyn saldyrdy, dep habarlaıdy QazAqparat.
Óńirde koronavırýske qarsy qaıta vaktsınatsııalaý barlyq emhanada uıymdastyrylýda. Qazirgi deıin oblysta 1590 turǵyn «Pfizer» vaktsınasyn saldyrdy.
«Onyń ishinde jasóspirimder - 1156, júkti áıelder - 233 adam bolsa, bala bosanǵannan keıingi analar - 201. Endigi kezekte jaǵdaıdy ýshyqtyrmaý - siz ben bizdiń qolymyzda. Sol sebepti vaktsına saldyryp, ujymdyq ımmýnıtet qalyptastyrýǵa asyǵaıyq», - dedi oblystyq densaýlyq saqtaý basqarmasy basshysynyń orynbasary Jangeldi Shaıymbetov.
Qazirge deıin oblysta 397736 adam koronavırýsqa qarsy vaktsınanyń birinshi komponentin saldyrdy. Al ekinshi komponentpen qamtylǵany - 336883 adam.