Qyzylordada 14 adamdy san soqtyrǵan alaıaqqa sot úkimi shyqty

QYZYLORDA. QazAqparat - Qyzylorda oblysynda 14 turǵyndy jer ýchaskesin alyp beremin dep aldaǵan adamǵa qatysty sot úkimi shyqty, dep habarlaıdy QazAqparat tilshisi.

Ol Shıeli aýdanynyń 14 turǵynyna jer ýchaskesin alyp beremin dep aldap, aqsha alǵan. Bul is boıynsha jábirlenýshilerdiń talap aryzy qanaǵattandyryldy.

«Shıeli aýdandyq sotynyń úkimimen ol QR Qylmystyq kodeksiniń 190-baby 3-bóligi 4) tarmaǵymen kináli dep tanylyp, 3 jyl 6 aıǵa bas bostandyǵynan aıyryldy.

Sottalýshydan jábirlenýshiler paıdasyna qylmystyq áreketpen keltirilgen zııan óndirildi. Sot úkimi apellıatsııalyq satydaǵy sot alqasynda qaralyp, úkim ózgerissiz kúshinde qaldyryldy. Búgingi kúni sot úkimi zańdy kúshine engen», - dedi Qyzylorda oblysy prokýrorynyń orynbasary Nurlan Ermanov.

Vedomstvo málimetinshe, oblysta alaıaqtyq qylmystar ótken jylmen salystyrǵanda 417-den 316-ǵa (24%) tómendegen. Ol búgingi kúnge deıin tirkelgen 1673 qylmystyq quqyq buzýshylyqtyń 18%-yn quraıdy.

Jergilikti sottarda bıylǵy jyldyń 5 aıynda 23 adamǵa qatysty 21 qylmystyq is qaraldy. Olardyń arasynda 18 is boıynsha aıyptaý úkimderi qabyldanǵan.

Eske salsaq, Qyzylordada alaıaqtyq qylmysynyń basym bóligi ınternet arqyly jasalǵan.