«Qyzylorda-Jezqazǵan» jolyndaǵy ýchaskelerdi qaıta salý 2017-2019 jyldary júrgiziledi

ASTANA. QazAqparat - «Jezqazǵan-Qyzylorda» jolyn qaıta salý 2017 jyly bastalady. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Investıtsııalar jáne damý mınıstrligi Avtokólik joldary komıteti tóraǵasynyń orynbasary Amangeldi Bekov málim etti.

«Shyn máninde «Qyzylorda-Jezqazǵan» ýchaskesi qanaǵattanarlyqsyz jaǵdaıda. Bul joba «Nurly jol» baǵdarlamasyna endi. Búginde atalǵan joldy qaıta jańartýǵa halyqaralyq qarjylyq ınstıtýttarynyń qaryzyn tartý qarastyrylýda. Qaıta jańartý jumystaryn júrgizgenge deıin qazirgi kezde jolda merzimdi jóndeý jumystaryna qosymsha qarjy bólindi. Osy oraıda qurylys jumystaryna deıin jolda qaýipsiz qozǵalys qamtamasyz etiledi. Avtojoldaǵy qaıta jańartý sharalary 2017-2019 jyldar kezeńinde júrgiziledi dep josparlanýda», - dedi A. Bekov.