«Qyzylorda-Jezqazǵan» trassasyn jóndeý jobasy 40 mlrd teńgege qymbattaǵan

ASTANA. QazAqparat – «Qyzylorda-Jezqazǵan» joly qurylysynyń jobasy 40 mlrd teńgege qymbattaǵan. Bul týraly Ulytaý oblysynyń ákimi Berik Ábdiǵalıuly Ortalyq kommýnıkatsııalar qyzmetiniń kóshpeli brıfıngisinde aıtty, dep habarlaıdy QazAqparat tilshisi.

Berik Ábdiǵalıuly BAQ ókilderiniń saýalyna bergen jaýabynda atalmysh jobanyń quny aımaqtaǵy geosaıası jaǵdaılarǵa baılanysty qymbattaǵanyn atap ótti.

«Qyzylorda-Jezqazǵan arasyndaǵy jol qurylysynyń bizdiń aýmaqtaǵy 200 shaqyrymnan asatyn bóligine kelsek, másele Memleket basshysynyń baqylaýynda tur. Premer-Mınıstr jýyqta kelip, Indýstrııa jáne ınfraqurylymdyq damý mınıstrliginiń esebin tyńdady. Sol eseptiń deregi boıynsha, shilde aıynda konkýrstar qaıta jandanady. Olar bıyl konkýrs qorytyndysy boıynsha daıyndyq jumystary bastalady dep sendirip otyr. ıAǵnı qajetti ınfraqurylym, tehnıka, taý jynystaryn alatyn kraerler ázirlenedi. Kelesi jyly qurylys bastalady. Oǵan bıýdjetten aqsha bólinbegenin bilesizder. Kredıtti Azııa damý banki berip otyr. Qurylys quny qymbattaýyna baılanysty joba toqtap qalǵan bolatyn. Indýstrııa mınıstrliginiń málimeti boıynsha, ol másele sheshilgen», - dedi ol.

Ákimniń aıtýynsha, jobanyń bastapqy quny 90 mlrd teńge bolǵan.

«Jobanyń quny bastapqyda 90 mlrd teńge bolǵan. Qazir 130 mlrd teńge boldy. ıAǵnı, 40 mlrd teńgege qymbattaǵan. Osy baǵa sharttarymen konkýrs ótetin bolsa, sodan aýytqymaıdy dep oılaımyn. Eger qymbattap jatsa, tıisinshe, bıýdjetine túzetý engiziledi. ıAǵnı, kompanııa jol salamyn dep bankrotqa ushyraı almaıdy. Joldyń Qyzylorda aýmaǵyndaǵy bóligi jasalyp qoıǵan. Olar jobanyń qymbattaýyna áser etken kúrdeli geosaıası jaıttarǵa deıin úlgerip ketti», - dedi oblys basshysy.