Qyzylorda, Jambyl, Batys Qazaqstan oblystarynda ortalyqtandyrylǵan sýmen qamtamasyz etý tómen deńgeıde
Bul týraly búgin Óńirlik damý mınıstrliginiń alqa májilisinde atalǵan vedomstvonyń vıtse-mınıstri Qaıyrbek Óskenbaev málim etti.
Onyń sózine qaraǵanda, Qyzylorda oblysynda ortalyqtandyrylǵan sýmen qamtamasyz etýdiń qoljetimdilik deńgeıi 55 paıyzdy, Jambyl oblysynda 77 paıyzdy, BQO-da 79 paıyzdy qurap otyr.
Vıtse-mınıstr sondaı-aq Pavlodar oblysynyń aýyldarynda bul kórsetkish 18 paıyzdy, Qostanaı oblysynyń eldi mekenderinde 25 paıyzdy, Mańǵystaý óńirinde 36 paıyzdy, BQO-da 33 paıyzdy, sondaı-aq ShQO aýyldarynda 32 paıyzdy qamtyp otyrǵanyn jetkizdi.
2013 jyly baǵdarlama aıasynda 302 baǵdarlamany júzege asyrýǵa 83,1 mlrd. teńge qarastyrylǵan. «Jobalardy iske asyrý nátıjesinde ortalyqtandyrylǵan sýmen qamtamasyz etýge qoljetimdilik qalalar boıynsha 85 paıyzǵa, aýyldyq jerlerde 45 paıyzǵa jetýi tıis»,-dep túıdi ol.