Qyzylorda: Uly Otan soǵysy qurbandaryna taǵzym etildi
Onda maıdanda qaza tapqan jaýyngerlerge arnalyp gúl shoqtary qoıyldy.
Osy kúni Tótenshe jaǵdaılar departamentine qarasty «Otqa oranǵan órender» eskertkish janyndaǵy saptyq alańda Otan qorǵaýshy kúnine jáne Jeńis kúnine arnalǵan saltanatty is-shara boldy. Oǵan TJD qarasty bólimsheler men bólimder, sondaı aq vedomstvolyq baǵynysty mekemeler ujymdary qatysty.
Saltanatty jıynda oblystyq tótenshe jaǵdaılar departamentiniń bastyǵy polkovnık E.Tóleýjanov, sala ardageri T.Botabaev quttyqtaý sózderin sóıledi. Kadr jumysy bóliminiń bastyǵy A.Sermaǵambetova QR TJM-niń Uly Otan soǵysy ardagerleri men tyl eńbekkerlerine quttyqtaýyn jetkizdi. Shara barysynda qyzmetke jańadan qabyldanǵan qyzmetkerlerdiń ant qabyldaý rásimi, sonymen birge, qyzmette ozat kóringen áriptesterdi marapattaý jáne arnaıy áskerı shen berý qosa uıymdastyryldy.