Qyzylorda turǵynynan áskerı qyzmetshilerge tıesili qarýlar tabyldy
10:01, 25 Qańtar 2022
QYZYLORDA. QazAqparat - Qyzylordada jappaı tártipsizdik kezinde qoldy bolǵan áskerı qyzmetshilerge tıesili qarýlar tabyldy, dep habarlaıdy QazAqparat tilshisi.
Oqıǵa Qyzylorda qalasynda 5 qańtar kúni bolǵan.
Áskerı qyzmetshilerge tıesili 1 AK-74 markaly – 1 jáne GP-25 markaly 1 qarý jergilikti turǵynnyń úıinen tabyldy.
«Atalǵan qarýlar qylmystyq iske zattaı dáleldeme retinde tirkeldi. Qazirgi tańda QR Qylmystyq kodeksiniń birneshe baby boıynsha sotqa deıingi tergep-tekserý amaldary júrgizilýde. Kúdikti ýaqytsha ustaý abaqtysyna oqshaýlandyryldy», - dep málim etti Qyzylorda oblystyq Polıtsııa departamentinen.
Eske salsaq, budan buryn Qyzylordada jappaı tártipsizdik kezinde lombardqa urlyqqa túskender ustaldy.