Qyzylorda turǵynynan 26 kıiktiń ushasy tárkilendi

ASTANA. QazAqparat - Qyzylorda turǵynynan 26 kıiktiń ushasy tárkilendi, dep habarlaıdy polisia.kz saıty.

«Qyzylorda oblysy PD-niń Ekstremızmge qarsy is-qımyl basqarmasy qyzmetkerleri jáne Aral aýdandyq PB men «Ohotzooprom ÓB» RMQK birlesken jedel – izdestirý jumystary nátıjesinde 37 jastaǵy aýdan turǵynynyń úı aýlasyndaǵy saraıynan 26 kıiktiń ushasy tabyldy.
Atalǵan derekke qatysty QR QK-niń 339-baby 2-bóligimen («Kıikti zańsyz qolǵa túsirý, joıý, sol sııaqty zańsyz qolǵa túsirilgen kıikti nemese onyń derıvattaryn, onyń ishinde múıizderin ıemdený, saqtaý, ótkizý, ákelý, áketý, jóneltý, tasymaldaý») sotqa deıingi tergep–tekserý amaldary júrgizilip jatyr» delingen habarlamada.
Tıisti saraptamalar taǵaıyndalyp, oqıǵanyń mán-jaıy anyqtalyp jatyr.