Qyzylorda oblysynyń ÚEU-lary 811 mln. teńgeniń jobalaryn iske asyrdy

QYZYLORDA. QazAqparat -Qyzylorda oblysynda búgingi kúni 889 úkimettik emes uıym tirkelgen, onyń tek 409-y turaqty jumys istep keledi.

Bul týraly arnaıy uıymdastyrylǵan baspasóz konferentsııasynda Qyzylorda oblysynyń Azamattyq alıansy qaýymdastyǵynyń jetekshisi Aqtolqyn Sýngýr habarlady.  

«2016 jyldyń 1 tamyzynan bastap, Azamattyq alıans oblystyq ishki saıasat basqarmasy tapsyrysyna oraı «Sotsıým», «Aqparattyq-resýrstyq ortalyq» jáne  Baıqońyr qalasy, Tóretam, Aqaı eldi mekenderi boıynsha ÚEU-lardy damytýǵa baǵyttalǵan resýrstyq ortalyq jumysyn uıymdastyrý jobalaryn júzege asyryp keledi. Bul úkimettik emes uıymdar jumysyn jandandyrýǵa erekshe serpin berdi. Joba aıasynda 60-tan astam ÚEU  qaýymdastyqpen birlese otyryp, 100-den astam shara ótkizdi»,- deıdi Aqtolqyn Sýngýr. 

Jalpy bıyl Qyzylorda oblysynda ÚEU ókilderi   811 mln. teńgeniń jobalaryn júzege asyrdy. 

Jýyrda Astana qalasynda ótken VII Azamattyq forýmda úkimettik emes uıymdardyń jumysyn aıqyndaý men júıeleý sharalary talqylandy. Onda ortaq máseleler aıtylyp, memleket pen ÚEU-nyń qarym-qatynasynyń jańa baǵyttary belgilendi.