Qyzylorda oblysynyń turǵyny 1,2 tonna balyqty zańsyz tasymaldaǵan

QYZYLORDA. QazAqparat - 1 tonnadan astam balyqty zańsyz tasymaldaǵan Qyzylorda oblysynyń turǵyny ustaldy. Bul týraly QR Ekologııa, geologııa jáne tabıǵı resýrstar mııstrligi Balyq sharýashylyǵy komıtetiniń baspasóz qyzmetinen málim etti, dep habarlaıdy QazAqparat.

«Keshe Aral-Syrdarııa oblysaralyq basseındik balyq sharýashylyǵy ınspektsııasynyń Aral balyq ınspektsııasy bólimi jergilikti atqarýshy organdarmen jáne jergilikti polıtsııa qyzmetkerlerimen birlesip, zańsyz balyq aýlaýdyń aldyn alý maqsatynda reıd ótkizdi. Reıd barysynda saǵat 10.30 shamasynda Aral aýdanynyń Qarashalan-Bógen avtojolynda «Gazel» markaly avtokólik toqtatyldy.

Tekserý barysynda Shómishkól eldi mekeniniń turǵyny tıisti qujattarsyz jalpy salmaǵy 1261 kg balyqty tasymaldap bara jatqany anyqtaldy.

Keltirilgen zalal 2 317 466 teńgeni quraıdy», - delingen komıtet habarlamasynda.

Atalǵan derek boıynsha sotqa deıingi tergeý amaldary bastaldy.