Qyzylorda oblysynyń Syrdarııa aýdanynda 2 turǵyn úı irgetasy qalandy
Tereńózek kentine qarasty O.Málibaev móltek aýdanynda 2 jáne 3 bólmeli 20 úı boı kóterdi. Qazirge deıin aýdan ortalyǵyna kireberiste kóppáterli turǵyn úı el ıgiligine berildi.
Al A.Imanov jáne N.Ergeshbaev kósheleriniń qıylysynda taǵy da qos turǵyn qurylysynyń irgetasy qalandy. Oǵan aýdan ákimi Rýslan Rústemov, aýdandyq ardagerler keńesiniń tóraǵasy Haırolla Ábenuly, soǵys jáne eńbek ardageri ıAhııa Tasyrov qatysty.
«Halyqty baspanamen qamtý - ózekti másele. Bul baǵyttaǵy jumystar qarqyndy iske asyp keledi. Alǵashqy kirpishi qalanǵan qos úı kezekte turǵan turǵyndar sanyn azaıtady. Qazir aýdanda 498 adam turǵyn úı kezeginde tur. Osy eki úıde 42 turǵyn qonys toıyn toılaıdy», - dedi aýdan ákimi.
Aıta keteıik, turǵyn úıler qurylysynyń bas merdigeri – «NurTalap jáne K» JShS. Bul maqsatta 466 mln 195 myń teńge qarjy bólingen. qurylys «Jumyspen qamtý jol kartasy» memlekettik baǵdarlamasy aıasynda júrgizilýde. Osy oraıda aýdanda 116 adam eńbekpen qamtylyp, onyń 58-i jumyspen qamtý bólimi arqyly alynǵan. Qazir qurylys alańynda 29 adam eńbek etip júr. Turǵyn úıler bıylǵy jyldyń sońyna paıdalanýǵa beriledi.
Sondaı-aq, aýdanǵa qarasty Amangeldi aýylynda kóptegen ıgilikti isterge jol ashyldy. Eldi mekenniń áleýeti de jyl sanap jaqsaryp keledi. Aýyldyq okrýgte 2 700-ge jýyq adam turady. Aýyl tusynan ótetin «Qyzylorda-Amangeldi-Botabaı» jolynyń eldi meken tusyndaǵy 5 shaqyrymyn jaryqtandyrý máselesi jolǵa qoıyldy. Joba quny - 21,7 mln teńge.
Aýdan ákimi Rýslan Rústemov jergilikti turǵyndarmen júzdesýinde olardyń ótinishi men usynysyna nazar aýdardy.
«Biz jyl saıyn Tereńózek kenti men eldi mekenderdegi joldardyń jóndelýin jáne jaryqtandyrylýyn kezeń-kezeń boıynsha júzege asyryp kelemiz. Bıylǵy jyldyń ózinde «Jumyspen qamtýdyń jol kartasy» baǵdarlamasy aıasynda aýylishilik birneshe kóshe jóndeýden ótkizilýde», - dedi aýdan ákimi.