Qyzylorda oblysynyń ekonomıkasyn ártaraptandyrý sharalary qabyldanady

NUR-SULTAN. QazAqparat – Qyzylorda oblysynyń ekonomıkasyn ártaraptandyrý boıynsha sharalar qabyldanady. Bul týraly Úkimet otyrysynda QR Ulttyq ekonomıka mınıstri Áset Erǵalıev aıtty, dep habarlaıdy QazAqparat tilshisi.

«Óńirlik saıasat salasynda Qyzylorda oblysynyń ekonomıkasyn ártaraptandyrý boıynsha sharalar qabyldanady. Osy oraıda Qyzylorda oblysynyń áleýmettik-ekonomıkalyq damýynyń keshendi jospary ózektendiriledi. Josparǵa óńir ekonomıkasynyń jańa qurylymyn qalyptastyrý jónindegi sharalar engiziledi», - dedi mınıstr.

Sonymen qatar Áset Erǵalıev múddeli memlekettik organdardar men Pavlodar oblysy ákimdiginiń qatysýymen Ekibastuz qalasyn áleýmettik-ekonomıkalyq damytý keshendi jospary ázirlenetindigin aıtty.

«Keshendi josparly Pavlodar oblystyq máslıhaty osy jyldyń qyrkúıeginde bekitedi», - dedi ol.