Qyzylorda oblysynyń ákimi saılaýda óz tańdaýyn jasady

QYZYLORDA. QazAqparat - Búgin Qyzylorda oblysynyń ákimi Nurlybek Nálibaev prezıdent saılaýynda №263 ýchaskege baryp, óz tańdaýyn jasady, dep habarlaıdy QazAqparat.

«Búgin elimiz úshin erekshe kún. Memleketimizdiń jarqyn bolashaǵyn aıqyndaıtyn bul kúnde árbir azamattyń daýysy mańyzdy. Jerlesterimiz el keleshegi úshin birlik tanytyp, óz tańdaýyn jasaıtynyna senimdimin», - dedi N.Nálibaev.

Qyzylorda oblysy ákiminiń baspasóz qyzmetinen málim etkendeı, aımaqta 373 saılaý ýchaskesi jumys istep tur. Elektorat sany – 482 934 adam.

Astana ýaqytymen saǵat 12.00-degi jaǵdaı boıynsha tizimge engizilgen daýys berýshilerdiń 43,46% bıýlleten aldy.