Qyzylorda oblysyndaǵy jol apatynan 2 adam kóz jumdy
10:50, 24 Tamyz 2022
QYZYLORDA. QazAqparat - Qyzylorda oblysynda bolǵan jol-kólik oqıǵasynan 2 adam qaza tapty, dep habarlaıdy Polisia.kz
Tamyz aıynyń 23 kúni saǵat 16-00 shamasynda Samara – Shymkent tas jolynyń Qarmaqshy aýdany, Tórebaı bı aýylynyń tusynda Volkswagen Transporter avtokóligimen qarsy baǵytta kele jatqan Audi avtokóligi soqtyǵysqan.
Jol apaty saldarynan Audi avtokóliginiń eki jolaýshysy oqıǵa ornynda kóz jumdy. Eki avtokóliktiń eki jolaýshysy aýrýhanaǵa jetkizildi.
Qaıǵyly oqıǵaǵa qatysty sotqa deıingi tergep-tekserý áreketteri júrgizilýde, mán-jaı anyqtalýda.
Tıisti sot saraptamalary taǵaıyndaldy.