Qyzylorda oblysyndaǵy aýylda eki kún qatarynan qoralar órtendi

QYZYLORDA. QazAqparat - Qyzylorda oblysy Qazaly aýdanynyń Ǵanı Muratbaev aýylynda eki kúnde 6 turǵynnyń qorasy órtenip, jınalyp turǵan shóbi janyp ketti, dep habarlaıdy QazAqparat tilshisi.

«Atalǵan eldi mekende 19 qyrkúıekte 2 turǵynnyń qorasy órtke oranǵan edi. 20 qyrkúıekte aýylda taǵy 4 qora jalynǵa orandy. Qysqa túsirip qoıǵan shópteri túgelimen janyp ketken. Qazir qyzyl jalyn tolyǵymen óshirildi. Atalǵan jaǵdaı baqylaýǵa alyndy. Oqıǵa ornynda 3 «KaMAZ» júk kóligi men 1 tegisteý tehnıkasy tazartý jumystaryn júrgizdi», - dep habarlady Qazaly aýdany ákimdiginen.

Aýdan ákimi Muhtar Orazbaev aýylǵa arnaıy baryp, turǵyndarmen kezdesti. Tıisti sala basshylaryna órt oqıǵasynan zardap shekken turǵyndarǵa jan-jaqty kómek kórsetýdi tapsyrdy.

Qyzylorda oblystyq Tótenshe jaǵdaılar departamenti órt sóndirý jáne avarııalyq-qutqarý jumystary qyzmetinen málim etkendeı, aýylda bir-birine jaqyn salynǵan qoralar órtengen.

«Oqıǵa ornynda №9 órt sóndirý bólimshesinen mamandar jumys istedi. Jalynnan turǵyndardyń maldary aman qaldy. Qora ishine jınalǵan shópteri janyp ketti», - delingen vedomstvo dereginde.