Qyzylorda oblysyndaǵy 2 aýyldyq okrýgte ákim saılaýy ótip jatyr
QR «Saılaý týraly» Konstıtýtsııalyq Zańǵa sáıkes búgin Qazaly aýdany Aryqbalyq jáne Qarmaqshy aýdanynyń Aqtóbe aýyldyq okrýgi ákimderiniń ókilettilik merziminiń aıaqtalýyna baılanysty saılaý ótkizilip jatyr.
Jergilikti ýaqytpen saǵat 7.00-de Aryqbalyq aýyldyq okrýgindegi №70 saılaý ýchaskesindegi 973 saılaýshy daýys berýge kiristi. Onda ákim laýazymyna 3 azamat úmitker. Onyń 2-eýi ózin-ózi usynsa, 1-eýi «Amanat» partııasynan qatysyp jatyr. Sondaı-aq, 1 azamat deklaratsııadaǵy málimeti sáıkes kelmeýine baılanysty úmitker retinde tirkele almady.
Al, Qarmaqshy aýdanyndaǵy Aqtóbe aýyldyq okrýginiń ákimine 3 kandıdat úmitker atandy. Olardyń 3-eýi de ózin-ózi usyný jolymen kandıdat retinde tirkelgen. Barlyǵy da – memlekettik qyzmetshiler.
Aqtóbe aýyldyq okrýgindegi 880 saılaýshy №107 saılaý ýchaskesinde tańdaý jasaı alady.
Oblystyq saılaý komıssııasynyń habaralýynsha, sáýir aıynda Qyzylorda óńiriniń 3 aýdanynda 4 aýyldyq okrýg ákimi saılanady.