Qyzylorda oblysynda jyl basynan beri 4531 adam koronavırýs juqtyrdy
2020 jyldan bastap óńirde búgingi kúnge deıin 23949 qaterli indetti juqtyrdy. Aýrýǵa shaldyqqandardyń basym kópshiligi, ıaǵnı 70 paıyzy klınıkalyq belgisimen anyqtalǵan.
Jalpy derekterdiń 14 paıyzy 2020 jyly tirkelse, 70 paıyzy byltyr anyqtalǵan. Jyl basynan beri 4531 adam koronavırýs juqtyrý boıynsha esepke alynǵan. Byltyrǵy jyldyń uqsas kezeńimen salystyrǵanda koronavırýstyń salystyrmaly aýrýshańdyq kórsetkishi 19 esege deıin ulǵaıdy. Degenmen qazir atalǵan kórsetkish tómendep keledi. Oblys 4 aqpannan bastap «jasyl» aımaqta tur.
Ótken táýlikte koronavırýs ınfektsııasyn 16 azamat juqtyrdy. Olardyń arasynda qaterli indetke qarsy ekpe saldyrmaǵan adamdar bar.
Koronavırýs ınfektsııasyn PTR ádisimen anyqtaý boıynsha oblys kóleminde 12 zerthana jumys jasaıdy. Barlyq zerthanalardyń jalpy qýattylyǵy 3620 analızdi quraıdy.
«Omıkron shtamynyń basty ereksheligi – joǵary juqpalylyǵynda. Qańtar aıyndaǵy epıdahýaldyń kúrt kúrdelenýin osy shtamnyń aınalymda bolý yqtımal. Alaıda patsıentterdi statsıonarlarǵa jatqyzý kórsetkishi aıtarlyqtaı turaqty. Bul vaktsına alǵan turǵyndar men qaıta aýyryp shyqqan adamdardyń aǵzasynda qalyptasqan antıdenelerge baılanysty. Qazir olar bul todqynnan ońaı ótýde. Degenmen de saqtyq sharalaryn álsiretýge bolmaıdy», - dedi Qyzylorda oblysynyń sanıtarııalyq-epıdemıologııalyq baqylaý departamenti basshysynyń orynbasary Álııa Ábdiqaıymova.
Eske salsaq, Qyzylorda oblysynda 34,1 myń jasóspirim koronavırýsqa qarsy egildi.