Qyzylorda oblysynda júk kólikteri soqtyǵysyp, bir adam qaza boldy

QYZYLORDA. QazAqparat – Qyzylorda oblysynda eki júk kóligi soqtyǵysyp, bir adam qaza boldy, dep habarlaıdy QazAqparat tilshisi.

Oqıǵa 25 mamyrda saǵat 2:10 shamasynda «Samara-Shymkent» tas jolynyń 1463-shaqyrymynda boldy. Bul Qazaly aýdanynyń aralyǵyn qamtıdy.

«Oqıǵa barysynda DAF úlgisindegi júk kóligi qarama-qarsy baǵytta kele jatqan «Volvo» markaly júk kóligine soqtyǵysqan. Jol apaty saldarynan 2 adam aýrýhanaǵa jetkizildi. Bireýi aýdandyq aýrýhananyń jansaqtaý bóliminde qaıtys boldy», - dep málim etti Qyzylorda oblystyq polıtsııa departamentinen.

Vedomstvo málimetinshe, QR Qylmystyq kodeksiniń 345-babynyń 3-bóligimen tirkeldi. Tıisti saraptamalar taǵaıyndalyp, sotqa deıingi tergep-tekserý áreketteri júrgizilip jatyr.

Eske salsaq, budan buryn Qyzylordada júk kóligi qaqqan jasóspirim qyz oqıǵa ornynda kóz jumdy.