Qyzylorda oblysynda jol apatynan 4 adam qaıtys boldy

QYZYLORDA. QazAqparat – Qyzylorda oblysynda jol apatynan 4 adam qaıtys boldy, dep habarlaıdy QazAqparat tilshisi.

Oqıǵa búgin, 19 aqpanda tústen keıin «Samara-Shymkent» tas jolynyń 1767-1768 shaqyrymynda, Syrdarııa aýdanyna qarasty Shaǵan jáne N. Іlııasov aýyldarynyń aralaǵynda bolǵan. «Mercedes» jáne «Opel» avtokólikteri soqtyǵysyp, tórt adam qaza tapty, bir adam aýrýhanada. Tolyq derekter anyqtalyp jatyr», - dep málim etti Qyzylorda oblystyq polıtsııa departamentinen.

Vedomstvo málimetinshe, qaıtys bolǵan azamattar – Qyzylorda oblysynyń turǵyndary. Atalǵan derek QR Qylmystyq kodeksiniń 345-baby 4-bólimi boıynsha tirkelgen. Sotqa deıingi tergep-tekserý áreketteri júrgizilip jatyr. Saraptamalar taǵaıyndaldy.