Qyzylorda oblysynda jantúrshigerlik jol apatynan tórt adam mert boldy

QYZYLORDA. QazAqparat - Qyzylorda oblysynda jol-kólik oqıǵasynan tórt adam qaza taýyp, bir adam jaraqat aldy, dep habarlaıdy QazAqparat tilshisi.

Oqıǵa 15 jeltoqsanda elorda ýaqytymen saǵat 20.45 shamasynda «Samara-Shymkent» avtomobıl jolynyń 1345 shaqyrymynda, Aral aýdany Shıjaga aýylynyń tusynda jol-kólik oqıǵasy tirkeldi.

«Aldyn ala málimetter boıynsha, «Mercedes-Benz» avtokóligi men júk kóligi soqtyǵysqan. Apat saldarynan tórt adam qaza taýyp, bir adam jaraqat aldy. Jol-kólik oqıǵasy boıynsha tolyq derekter anyqtalýda. Atalǵan oqıǵa QR Qylmystyq kodeksiniń 345 baby 4 bóligimen tirkelip, sotqa deıingi tergep-tekserý áreketteri júrgizilýde. Saraptamalar taǵaıyndaldy», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylorda oblysynda benzovoz jeńil kólikke soǵylyp, 4 adam kóz jumdy.