Qyzylorda oblysynda jańa kópir men jol aıryǵy paıda bolady

QYZYLORDA. QazAqparat - Syrdarııa ózeniniń sol jaǵalaýyndaǵy basty qalalyq joldyń Batys Eýropa – Batys Qytaı trassasymen túıisken jerinde kólik jol aıryǵy salynýda, dep habarlaıdy QazAqparat.

Indýstrııa jáne ınfraqurylymdyq damý mınıstrliginiń málimetinshe, b úginde 230 qada burǵylanyp, betondaldy. Jol aıryǵynyń qurylysy shamamen 15 myń adamdy jumyspen qamtýǵa múmkindik beredi dep kútilýde.

«Sonymen qatar Qyzylorda oblysyndaǵy Karlan ýchaskesinde kópir qurylysy bastalyp ketti. Qazirgi ýaqytta 20 qada burǵylanyp, betondalǵan. Sonymen qatar, rostverk qurylysy júrgizilip, kópirdiń kireberis joldaryna topyraq tóseý jumystary qyzý júrip jatyr. Ári qaraı asfalttyń tómengi jáne joǵarǵy qabattary tóselip, ýchaske jol belgilerimen jabdyqtalady», - dep jazdy vedomstvo.

Sondaı-aq, Qazaly aýdanyndaǵy Áıteke bı – Basyqara, Jalaǵashtaǵy Samara – Shymkent-Eńbek – Eset batyr – Jańadarııa jáne Jańaqorǵan aýdanyndaǵy Samara – Shymkent – Ekpindi avtojoldarynyń boıyndaǵy kópirlerdi qaıta jańartý jumystary jalǵasýda.

Osy rette jumys sapasy tappsyrys berýshiniń, tehnıkalyq qadaǵalaýdyń jáne «Jol aktıvteri sapasynyń ulttyq ortalyǵy» RMK-nyń turaqty baqylaýynda ekenin aıta ketken jón.

Qyzylorda oblysynda jyl sońyna deıin 37 avtojol jobasy júzege asyrylmaq. Bıyldyqqa aýdandyq mańyzy bar joldardyń 122 shaqyrymy jáne oblystyq mańyzy bar joldardyń 85 shaqyrymy jóndeý jumystarymen qamtyldy. Sonymen birge 8 nysan boıynsha qurylys jáne rekonstrýktsııa jumystary júrgizilýde.