Qyzylorda oblysynda zańsyz alkogol ónimderin saqtaǵan eki adam ustaldy
Qyzylorda oblysy boıynsha ekonomıkalyq tergep-tekserý departamenti kórineý jalǵan esepke alý-baqylaý markalaryn ótkizý maqsatynda ıemdený, paıdalaný nemese ótkizý deregin anyqtady.
«Qarmaqshy aýdanynda turatyn 2 adam eki mekenjaıda syıymdylyǵy 0,5 lıtrlik 2647 dana, 0,2 lıtrlik 889 dana jáne 1 lıtrlik 840 dana araq ónimderin saqtaǵan. Atalǵan azamattar jalǵan esepke alý-baqylaý markasy japsyrylǵan alkogol ónimderin tergeýmen anyqtalmaǵan adamdardan tómen baǵada satyp alǵan. Olardy paıda tabý maqsatynda ústine aqsha qosyp satý barysynda quryqtalǵan», - dep málim etti Qyzylorda oblysy boıynsha ekonomıkalyq tergep-tekserý departamentinen.
Vedomstvo málimetinshe, atalǵan derek boıynsha QR Qylmystyq kodeksiniń 233-babynyń 2-bóliginde qaralǵan qylmystyq quqyq buzýshylyq belgilerimen sotqa deıingi tergeý áreketteri júrgizilýde.
«Oqıǵa ornynan qarap tekserý barysynda jalpy sany 4376 dana araq ónimderi alynyp, tıisti saraptamalar taǵaıyndaldy. Tergeý talabyna sáıkes, basqa aqparattar jarııa etilmeıdi», - dep tolyqtyrdy departamentten.
Sondaı-aq, Qyzylorda qalasynda zańsyz oıyn bıznesin júrgizgen azamat aıyppul tóleıdi.