Qyzylorda oblysynda úı qurylysy kombınaty iske qosyldy
Qurylys ındýstrııasyndaǵy taǵy bir erekshe joba - Qyzylorda qalasyndaǵy úı qurylysy kombınaty. Kombınat jylyna 35 myń sharshy metr karkasty taqta úılerin turǵyzady. Úı salýda kombınat sapaly ári qaýipsiz nemis tehnologııasyn paıdalanady. Birkelki turǵyn úıler turǵyzýdy toqtatyp, turǵyn úı sáýleti men fasadtarynyń tartymdy bolýyna mán beredi.
«Asa qurmetti Nursultan Ábishuly! Sizdiń qatysýyńyzben «Úı qurylysy kombınatyn» iske qosýǵa daıynbyz. Jobany iske asyrý úshin memlekettik baǵdarlamalar kómegimen qarjylyq qoldaý jáne lızıngke shetelden qural-jabdyqtar alyndy. Jylyna 35 myń sharshy metr karkasty taqta (panel) úılerin salatyn bolamyz. Bul - qurylys nysanyn únemdi jáne qysqa merzim ishinde aıaqtaýǵa septigin tıgizedi. Qurmetti Elbasy, jasalyp jatqan qoldaý men qamqorlyqqa ujymnyń atynan úlken alǵys bildiremin. Sizden kombınatty iske qosýǵa ruqsat suraımyn», - dedi «RMZ-Shapagat» JShS Bas dırektory Muratbek Jaqanov.