Qyzylorda oblysynda turǵyndardyń 61 paıyzy vaktsına saldyrdy
Óńirde Qyzylorda oblysy jáne Baıqońyr qalasyn qosqanda 244 097 adam vaktsınanyń 1-komponentin alǵan. Bul turǵyndardyń 61 paıyzyn quraıdy. Al 185 463 adam ekpeniń 2-komponentin alǵan.
«Óńirde qaterli vırýsqa shaldyqqan turǵyndar sany kóbeıdi. Máselen, maýsym aıynda koronovırýs ınfektsııasymen 541 naýqas tirkelse, ol shildede 6 esege ósip, 3387 naýqasqa jetti. Al tamyz aıynyń 9 kúninde 1827 adam vırýs juqtyryp otyr. Bul aıdyń sońyna deıin ósýi múmkin. Máselen ótken táýlikte koronovırýs ınfektsııasymen 228 jaǵdaı tirkeldi. Qazir 1772 naýqas úı jaǵdaıynda emdelip jatyr. Emhananyń 138 mobıldi brıgadalary emdeý, dári-dármekpen qamtamasyz etý jumystaryn atqarýda. Sosyn bul aýrýdyń 70-80 paıyzy sımptomdy túri, byltyr kóbine sımptomsyz edi», - dedi oblystyq densaýlyq saqtaý basqarmasy basshysynyń orynbasary Jangeldi Shaıymbetov.
Aıta keteıik, qazirgi tańda kúnine 2000-2500 jan ekpe alýda. Zeınet jasyndaǵylar men úı sharýasyndaǵy adamdar arasynda vaktsına alý kórsetkishi áli de tómen.
Eske salsaq, Qyzylorda oblysynda karantın talabyn buzýdyń 459 faktisi tirkeldi.