Qyzylorda oblysynda týberkýlez juqtyrǵandar sany kóbeıdi

QYZYLORDA. QazAqparat - Óńirde bıyl birinshi toqsanda 97 adam týberkýlez juqtyrǵan. Bul - ótken jyldyń osy merzimimen salystyrǵanda 17 paıyzǵa joǵary, dep habarlaıdy QazAqparat tilshisi.

Aýrýǵa shaldyqqandardyń 94%-y - ókpe týberkýlezin juqtyrǵan. Sondaı-aq, teń jarymynda týberkýlezdiń juqpaly, ıaǵnı ashyq túri ekendigi anyqtaldy.

«Іndetke shaldyqqandardyń 70%-y áleýmettik belsendi toptar bolyp otyr, negizinen 18-64 jas aralyǵyndaǵy adamdar. Olardyń qatarynda týberkýlez juqtyrǵan 38 jumyssyz, 24 zeınetker, 7-i mektep oqýshysy men stýdent bar», - deıdi Qyzylorda oblysy sanıtarııalyq-epıdemıologııalyq baqylaý departamentiniń baspasóz hatshysy Aıman Janahaeva.

Vedomstvo málimetinshe, sońǵy 2 jylda koronavırýs pandemııasy týberkýlez indetine qarsy tıisti profılaktıkalyq sharalardyń ýaqytyly júrgizilýine keri áserin tıgizdi. Týberkýlezdi anyqtaý synamalaryn qoıýǵa jáne ekpe júrgizýge qarsylyq tanytqandardyń sany artqan.

Eske salsaq, Qyzylordada janýarlardan zardap shekken 290 adam dárigerlerdiń kómegine júgindi.