Qyzylorda oblysynda soǵys kezinde qaza tapqan sarbazdyń súıegi qaıta jerlendi

QYZYLORDA. QazAqparat - Qyzylorda oblysynyń Aral aýdanynda 1942 jyly maıdanǵa attanǵan jáne bir jyldan keıin shaıqastardyń birinde habarsyz ketken Ekinshi dúnıejúzilik soǵysyna qatysýshy Kelis Jıenbaevtyń súıekterin qaıta jerleý rásimi ótti. Bul týraly QazAqparat QR Qorǵanys mınıstrliginiń baspasóz yqzmetine silteme jasap habarlaıdy.

Sarbazdyń súıekteri Qazaqstan Áskerı-áýe kúshteriniń áskerı bortymen jetkizildi. Týystaryna jetkizilgennen keıin barlyq áskerı rásimdi saqtaı

otyryp, sarbazdyń súıekteri jer qoınyna tapsyryldy.

Ótken jyly «Eske alý vahtasy» aktsııasy aıasynda Reseı Federatsııasy, Tver oblysy, Zýbtsovsk aýdanynyń mańynda júrgizilgen izdestirý operatsııasy barysynda soǵysta qaza tapqan áskerı qyzmetshiniń súıegi tabyldy. Sarbazdyń moıyntumaryn saraptaýdan ótkizý kezinde onyń jeke derekteri anyqtaldy. Qaza bolǵan sarbaz Qyzylorda

oblysy Aral aýdanynan Qyzyl ásker qataryna shaqyrylǵan Kelis Jıenbaev ekendigi belgili boldy.

Qazaqstandyq sarbazdyń súıekterin týystaryna tapsyrý jáne qaıta jerleý boıynsha odan ári daıyndyq jumystary Reseı Federatsııasyndaǵy Qazaqstan Respýblıkasy Elshiligi janyndaǵy Áskerı attashe apparaty jáne QR Qorǵanys mınıstrligi qurylymdyq bólimshelerimen birlese júzege asyryldy.

Sarbazdyń týystaryn izdestirý kezinde Máskeý qalalyq izdeý ortalyǵynyń kórsetken kómegi zor.

«Anam árdaıym ákesiniń súıekteri tabylyp, týǵan jerinde jerlengenin armandaıtyn, ókinishke oraı, bir jyl buryn osy kúndi kórmesten dúnıeden ozdy. Al búgin marqum anamnyń armany oryndaldy. Biz bul úshin óte qýanyshtymyz jáne rızamyz». Qaza tapqan sarbazdyń nemeresi Muhtar Qazbekov áskerı qyzmetshiler men izdestirý tobyna osylaısha alǵysyn bildirdi.