Qyzylorda oblysynda shańdy daýyl soǵyp tur

QYZYLORDA. QazAqparat – Qyzylorda oblysynda shańdy daýyl soǵyp tur, dep habarlaıdy QazAqparat tilshisi.

Oblystyq Tótenshe jaǵdaılar departamenti 14 sáýirde Qyzylorda oblysynda kún raıy buzylatyny týraly eskertý jarııalady. Onda sekýndyna 15-28 metr jyldamdyqpen jel soǵatyny aıtylǵan.

Búgin Qyzylorda qalasynda shańdy daýyl soǵyp tur.

TJD málimetinshe, 13-14 sáýirde kúndizgi ýaqytta temperatýra 30-35 gradýsqa deıin joǵarylasa, soltústik bóliginde aýa baǵamy 22-27 gradýsty kórsetedi.

Al 15-16 sáýirde temperatýra kúndizgi ýaqytta 15-20 gradýs bolsa, 16-18 sáýirde túnde birden -3+2 gradýsqa deıin tómendeıdi, al kúndiz, 5-10 gradýs jylyǵa qaıta kóteriledi.

13-17 sáýirde jeldiń kúshi 15-20 m/s quraıdy. Shańdy daýylmen jeldiń jyldamdyǵy 23-28 m/s jetýi múmkin.

14-15 sáýirde oblysta jańbyr, naızaǵaı kútilse, 16-17 sáýirde qar aralas jańbyr jaýýy yqtımal.

Aıta ketsek, budan buryn naýryz aıynyń aıaǵy men sáýir aıynyń basynda kúshti jel shatyrlardy ushyryp, turǵyn úıler jaryqsyz qalǵan edi.

«Qazgıdromet» RMK aldaǵy úsh kúnde Qazaqstanda kún raıy buzylatyny jóninde eskertý jarııalady.