Qyzylorda oblysynda «Pfizer» vaktsınasyn saqtaý úshin tońazytqyshtar alyndy
Vaktsınatsııa jumystary bastalǵaly beri oblysta vaktsınanyń birinshi komponentin 326 798 adam alsa, ekinshi komponentimen 269 949 adam qamtyldy.
«Pfizer» vaktsınasy vaktsınasy aldaǵy aılarda keledi dep josparlanyp otyr. Ózindik saqtaý erejeleri bar. Búginde daıyndyq jumystary júrgizilýde. Densaýlyq saqtaý mınıstrligi 2 tońazytqysh alyp beredi. Bul ekpe 12 jastan joǵary balalarǵa jáne júkti áıelderge arnalǵan. Qazirgi tańda belsendi túrde aqparattyq-nasıhat jumystary júrýde», - dedi oblystyq Densaýlyq saqtaý basqarmasy basshysynyń orynbasary Jangeldi Shaıymbetov.
Bıylǵy jyldyń aqpan aıynan bastap óńirde koronavırýsqa qarsy ımmýndaý naýqany júrgizilýde. Bul maqsatta aımaqta – 106, onyń ishinde aýdandarda 91 ekpe kabıneti halyqqa qyzmet kórsetedi.
Sondaı-aq, mundaı oryndar aýdandarda, ujymdarda, adamdar kóp jınalatyn jerlerde (iri saýda, oıyn-saýyq ortalyqtary, bazarlar jáne basqalary) ashylǵan. Vaktsınatsııa jumysyn arnaıy oqytylǵan medıtsınalyq personal júrgizedi. Bul oryndar arnaıy tońazytqysh jabdyǵymen qamtylǵan.
Eske salsaq, Qyzylordada ekpe salýǵa jatatyn azamattardyń 72 paıyzy vaktsınatsııadan ótti.