Qyzylorda oblysynda modýldik statsıonar jumysy iske qosyldy
Búgingi kúni Qyzylorda oblysynda indet juqtyrǵan 12 784 adam tirkelse, sonyń ishinde 9 828 naýqas jazyldy. Pnevmonııamen aýyrǵan 1867 naýqastyń 1580-i emdelip shyqty.
Osy jyldyń maýsym-shilde aılarynda ınfektsııalyq tósek-oryn sany 585-ten 2340-qa deıin arttyryldy. Al reanımatsııalyq tósek-oryn 90-nan 172-ge deıin kóbeıtildi. Qazir júkteme 55 paıyzdy qurap otyr.
Qurylysy 2020 jyly bastalǵan modýldik statsıonar jumysy iske qosylyp, kovıdtik naýqastardy qabyldaý bastaldy. Rejımdi túrde 6 ottegi shyǵarý stantsııasy jumys jasaýda. Dári-dármek qory qalyptasqan. Koronavırýs ınfektsııasyna qarsy kúres jumystaryna qajetti medıtsınalyq kadrlar men qural jabdyqtar jetkilikti.
Óńirde 11 PTR apparaty iske qosylǵan. Táýligine 1300-1500 aralyǵynda synama alynýda. Oblysta ujymdyq ımmýnıtetti qalyptastyrý maqsatynda ekpe alýǵa qabiletti 401 myń turǵynnyń 61,4% vaktsınalandy. Qyrkúıek aıynda kórsetkish 85% oryndalady dep josparlanýda.
Vaktsınatsııalaý jumystary oblys boıynsha 106 egý kabınetinde júrgizilýde, oǵan 133 meıirbıke men 89 dýbler tartylǵan. Oblysta «Ashyq» jobasy arqyly 2749 nysan jumys jasaýda.
Eske salsaq, Qyzylordada 84 jastaǵy qarııa koronavırýs vaktsınasyn saldyrdy.