Qyzylorda oblysynda memqyzmet salasy boıynsha 276 zańbuzýshylyq anyqtalǵan
Bul týraly búgin QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamentiniń basshysy Abzal Muhımovtyń tóraǵalyǵymen ótken semınar-keńes barysynda belgili boldy, dep habarlady QazAqparat tilshisi.
Bıylǵy jyldyń 9 aıynyń qorytyndysy boıynsha ótken jıyn barysynda aldymen memlekettik qyzmet salasy boıynsha ózekti jáne kúrdeli máseleler talqylandy. Naqtyraq aıtsaq, memlekettik qyzmetshilerdi keshendi attestattaýdyń qorytyndysy, kadr aýysymdylyǵy, merıtokratııa qaǵıdasyn ustaný, «E-qyzmet» júıesiniń jumys isteýi, synaq merzimin belgileý jáne tálimgerlerdi bekitý, konkýrstyq protsedýralardy ótkizý jaıy sóz boldy.
Sonymen qatar, semınarda qazirgi tańdaǵy elektrondy memlekettik qyzmetterdiń sany artqanyndyǵy, tekserý sharalary barysynda jıi kezdesetin zańbuzýshylyqtar jáne olardy joıý joldary atalyp ótti.
Sondaı-aq, sybaılas jemqorlyqtyń aldyn alý baǵytyndaǵy problemalyq jáne memlekettik organdarmen júrgizilýi tıis sybaılas jemqorlyq táýekelderine ishki taldaý máseleleri de qaraldy.
Bul jerde eske sala keter jaıt, Elbasy óziniń Ult jospary - bes ınstıtýtsıonaldyq reformany júzege asyrý jónindegi 100 naqty qadam eńbeginiń 1-qadamynan, 15- qadamyna deıin memlekettik qyzmet máselesine arnady. Ondaǵy 1-qadamda: Memlekettik qyzmetke qabyldaý resimderin jańǵyrtý, sondaı-aq, memlekettik qyzmetke qabyldaý tómengi laýazymdardan bastalýy tıis ekendigi aıtylǵan.2-qadamda: Tómengi laýazymdarǵa kandıdattardy retteý jáne odan ári laýazymdyq ósý iskerlik qasıetter negizinde júzege asyrylýy tıis, dep kórsetilgen. Sonymen birge 3-qadamda: Qazaqstan respýblıkasynyń memlekettik qyzmet jáne jemqorlyqqa qarsy is-qımyl agenttiginiń rólin arttyrý esebinen memlekettik qyzmetke alǵash ret qabyldanýshylardy irikteý resimin ortalyqtandyrý, sol arqyly úsh satyly irikteý júıesin engizý máselesi kóterildi. Osy eńbektiń 15-qadamyna deıin memlekettik qyzmet máseleleri jan-jaqty kóterildi.