Qyzylorda oblysynda medıatsııa salasy boıynsha memorandým jasaldy (FOTO)

QYZYLORDA. QazAqparat - Búgin Dostyq úıinde medıatsııa kabıneti ashyldy. Onyń jumysyna zańger men medıatorlar tartylǵan. Bul týraly oblystaǵy qoǵamdyq kelisim hatshylyǵynyń baspasóz qyzmeti habarlady.

Oǵan aımaǵymyzdaǵy kásibı jáne áýesqoı medıatorlary, oblystyq Qoǵamdyq kelisim keńesiniń músheleri, etnomádenı birlestikter tóraǵalary, óńirimizdegi ÚEU ókilderi qatysty.

Medıatsııa qyzmeti salasyndaǵy ózara yqpaldastyq týraly memorandýmǵa qol qoıyldy.

Qazaqstan halqy assambleıasy oblystyq fılıalynyń hatshylyǵy, oblystyq prokýratýra, ádilet, ishki ister departamentteri, bilim basqarmasy, sýdıalar odaǵy, advokattar alqasy, notarıattyq palata, «Medıatorlar odaǵy» qoǵamdyq birlestigi, «Kelisý» kásibı medıatorlar odaǵy», «Tura Bi» medıatsııa jáne sot ádildigin qalpyna keltirý» qoǵamdyq birlestiginiń oblystyq fılıaldarynyń basshylary «Úlken el - Úlken otbasy» jalpyulttyq jobasy aıasynda medıatsııa arqyly daýly jaǵdaılardy tómendetýde naqty isterge birigý maqsatynda ózara yqpaldastyq týraly memorandýmǵa qol qoıdy.