Qyzylorda oblysynda kóshi-qon zańnamasyn buzǵan myńǵa jýyq sheteldik anyqtaldy
Qyzylorda oblysynyń Polıtsııa departamenti turaqty túrde shetel azamattarynyń naqty kelý maqsattarynyń shynaılyǵyn anyqtaýǵa baǵyttalǵan reıdtik is-sharalar júrgizýde.
«Máselen, jyl basynan beri respýblıka kóleminde «Mıgrant» is-sharasy ótkizilip, nátıjesinde kóshi-qon zańnamasyn buzǵan barlyǵy 765 derek anyqtalyp, olar ákimshilik jaýapkershilikke tartylǵan. Sonymen qatar, qazirgi ýaqytta «Zańsyz kelýshi-2022» arnaıy jedel-profılaktıkalyq is-sharasy ótkizilýde. Munyń barysynda kóshi-qon zańnamasyn buzýdyń barlyǵy 585 deregi anyqtaldy. Atap aıtqanda, sheteldiktiń nemese azamattyǵy joq adamnyń QR halyqtyń kóshi-qon salasyndaǵy zańnamasyn buzǵan 949 sheteldik anyqtalyp, shara qoldanyldy», - dep jazdy vedomstvodan.
Onyń ishinde TMD elderinen kelgen 41 azamat respýblıka aýmaǵynan alastatyldy. Sonymen birge, sheteldikterdiń bolý erejeleriniń saqtalýyn qamtamasyz etpegen Qazaqstan Respýblıkasynyń 401 azamatyna, ıaǵnı jeke jáne zańdy tulǵalarǵa ákimshilik taǵyldy.
Jalpy, jyl basynan beri oblys aýmaǵyna túrli maqsattarmen TMD elderinen kelgen sheteldikter - 6 948 azamat jeke kiris salyǵy boıynsha aılyq eseptik kórsetkishtiń eki eselengen mólsherinde aldyn ala tólemdi tólep, zań talaptaryna saı ruqsat rásimdep, zańdy jumys atqarýda.