Qyzylorda oblysynda koronavırýsqa shaldyǵý kórsetkishi eki-úsh esege tómendedi
Mamyr aıynyń alǵashqy aptasynda óńirde qaterli indetke shaldyqqan turǵyndar sany táýligine 70-80 adamdy qurady. Al ótken táýlikte 30-ǵa jýyq naýqas tirkeldi.
Byltyrǵy jyldan beri oblysta 6145 adam koronavırýs ınfektsııasyn juqtyrǵan. Al bıylǵy jyl basynan mundaı 2753 jaǵdaı tirkelgen. Atap aıtqanda, qańtarda - 217, aqpanda - 240, naýryzda 195 adam indetke shaldyqty. Al sáýir aıynda indet qaıta órship, saldarynan 1540 adam naýqastandy. Sondaı-aq, mamyrdyń 12 kúninde 561 jaǵdaı esepke alynǵan.
«Sońǵy aptadaǵy kórsetkishter boıynsha Qyzylorda oblysy 10 mamyrdan bastap epıdahýaldy baǵalaý matrıtsasynda «jasyl» aımaqqa aýysty. Bul rette karantın talaptaryn jeńildetý QR Bas memlekettik sanıtarııalyq dárigeriniń qoldanystaǵy Qaýlysyna sáıkes 7 kúnnen erte júrgizilmeıdi. Epıdahýaldyń turaqtanýyna jáne óńirdiń «jasyl» aımaqqa aýysýyna vaktsınalaý jumysy oń nátıje kórsetti. Elimiz boıynsha 1 aqpannan beri erikti túrde koronavırýsqa qarsy vaktsınalaý jumysy júrgizilýde», - dedi Qyzylorda oblystyq Sanıtarlyq-epıdemıologııalyq baqylaý departamentinen.
Esterińizge sala ketelik, qazirge deıin Qyzylorda oblysynda 72 myń adam koronavırýsqa qarsy vaktsına saldyrdy.