Qyzylorda oblysynda Kongo-Qyrym qandy bezgeginen taǵy bir adam kóz jumdy

QYZYLORDA. QazAqparat – Qyzylorda oblysynda Kongo-Qyrym qandy bezgeginen taǵy bir adam kóz jumdy, dep habarlaıdy QazAqparat tilshisi.

Shıeli aýdanyna qarasty N.Bekejanov aýylynyń 32 jastaǵy turǵyny Kongo-Qyrym qandy bezgeginen kóz jumdy. Bul – atalǵan dıagnozben qaza bolǵan úshinshi adam.

«Jyl basynan oblys boıynsha Kongo-Qyrym qandy bezgegine shaldyǵý kúdigimen 29 jaǵdaı tirkeldi. Olardyń arasynan 10-y klınıkalyq-zerthanalyq jáne epıdemıologııalyq jolmen naqtylandy. Atap aıtqanda, Qarmaqshy, Syrdarııa aýdandary men oblys ortalyǵynda – 1, Janaqorǵanda – 5, Shıelide 2 derek anyqtaldy. Byltyr 601 adam dárigerler qaraýynda bolsa, bıyl olardyń sany 712 adamdy quraıdy», - dedi oblystyq Sanıtarlyq-epıdemıologııalyq baqylaý departamenti basshysynyń orynbasary Álııa Ábdiqaıymova.

Aıta ketsek, budan buryn Shıeli aýdanynyń turǵyny atalǵan dıagnozdan kóz jumǵan bolatyn.