Qyzylorda oblysynda kommýnaldyq qyzmettiń tarıfteri tómendetildi

QYZYLORDA. QazAqparat - Qyzylorda oblysynda tótenshe jaǵdaı kezinde kommýnaldyq qyzmetterdiń tómendetilgen tarıfteri qoldanysqa engizildi, dep habarlaıdy QazAqparat Tabıǵı monopolııalardy retteý komıtetine silteme jasap.

QR Prezıdentiniń koronavırýs jaǵdaıy jáne daǵdarysqa qarsy sharalar jónindegi keńeste bergen tapsyrmasyn oryndaý úshin, Qyzylorda oblysynda kommýnaldyq qyzmet kórsetetin tabıǵı monopolııalar sýbektileri tótenshe jaǵdaı kezeńinde turǵyndardyń qarjylyq júktemesin tómendetý maqsatynda, sondaı-aq qoǵamda turaqtylyqty qamtamasyz etý mańyzdylyǵyn eskere otyryp, 2020 jyldyń 1 sáýirinen bastap, óz bastamalarmen tómendegi qyzmetter boıynsha tarıfterdi tómendetý týraly sheshim qabyldady:

«Qyzylorda sý júıesi» MKK - sýmen jabdyqtaý qyzmetine tarıfi – 1 tekshe metrge QQS-men 45,61 teńgeden 40,80 teńgege deıin nemese 10,5% -ǵa tómendetildi; sý burý qyzmetine tarıfi – 1 tekshe metrge QQS-men 48,82 teńgeden 43,0 teńgege deıin nemese 11,9% -ǵa tómendetildi;

«Qyzylordajylýelektrortalyǵy» MKK: - jylýmen jabdyqtaý qyzmetine turǵyndarǵa tarıf esepteý quraldary bar jeke tulǵalarǵa 1 Gkalǵa QQS-men 1989,21 teńgeden 1790,29 teńgege deıin tómendedi; esepteý quraldary joqtarǵa 1 sharshy metrge jylýǵa tólem aqy QQS-men 96,76 teńgeden 87,08 teńgege deıin nemese 10% -ǵa tómendetildi;

«Temirjolsý-Qyzylorda» JShSsýmen jabdyqtaý qyzmetine turǵyndar úshin ortasha bosatý tarıfi – 1 tekshe metrge QQS-men 53,37 teńgeden 48,52 teńgege deıin nemese 9,1% -ǵa tómendetildi.

Sonymen qatar, 3 energııamen jabdyqtaýshy uıymnyń elektr qýatyn berýdiń ortasha baǵasy turǵyndar úshin 1 kVt/saǵatqa QQS-men 9,1% tómendedi, onyń ishinde:

- «Energoservıs» JShS QQS-men 15,90 teńgeden 14,46 teńgege deıin;

- «Shıeli Jaryǵy» JShS QQS-men 17,49 teńgeden 15,90 teńgege deıin;

- «Dáýletenergo» JShS QQS-men 18,26 teńgeden 16,60 teńgege deıin.

Sáıkesinshe, turǵyndar úshin tutyný kólemi boıynsha saralanǵan tarıfter 9,1% tómendetildi.