Qyzylorda oblysynda kommýnaldyq qyzmetterdiń biryńǵaı tólem júıesi engiziledi
«Biryńǵaı tólem qujatynyń basty maqsaty - tutynýshylardyń kórsetilgen qyzmetter boıynsha tólem júrgizýin jeńildetý, ıaǵnı qyzmet kórsetýshi mekemelerdi aralamaı, barlyq kyzmetterge bir jerden tólem jasaý, tıimsiz tólemderdi qysqartý bolyp tabylady. Atalǵan tájirıbe Astana, Almaty qalalarynda keńinen qoldanylýda»,- dep atap ótti aımaq basshysy.
Shilde aıynda qalanyń «Aqmeshit» jáne «Mereı» móltek aýdandarynda biryńǵaı tólem qujaty pılottyq jobasy iske asyryla bastaıdy. Al, aǵymdaǵy jyldyń kúzinde qala túgeldeı bul júıege qosylatyn bolady. Bul týraly májiliste «Qyzylorda jaryǵy» holdıngtik birlestiginiń atqarýshy dırektory Erkebulan Esenbaev jáne oblystyq energetıka jáne turǵyn úı-kommýnaldyq sharýashylyǵy basqarmasynyń basshysy Medet Ýsaın málimdedi.
Sonymen qatar, kommýnaldyq kásiporyndardyń basshylary bıllıng júıesi jáne biryńǵaı abonenttik bazany qurýdaǵy daıyndyq jumystary týraly esep berdi.
Jıyn sońynda, oblys ákimi jaýapty tulǵalarǵa biryńǵaı tólem qujaty júıesine daıyndyq jumystaryn merziminde aıaqtap, kúzde jobany tolyq iske asyrýdy tapsyrdy.