Qyzylorda oblysynda kólik túıege soǵylyp, bir adam kóz jumdy

QYZYLORDA. QazAqparat - Qyzylorda oblysynda kólik túıege soǵyldy. Jol apatynan 1 adam kóz jumyp, 1 adam aýrýhanaǵa jatqyzyldy, dep habarlaıdy QazAqparat tilshisi.

Oqıǵa «Qyzylorda-Jalaǵash» tasjolynyń Syrdarııa aýdany aýmaǵynda bolǵan.

«Jol boıynda «Mazda-626» avtokóligi túıe malyn qaǵyp ketken. Jol apatynan 1 adam kóz jumyp, 1 adam aýrýhanaǵa jatqyzyldy. Atalǵan derek boıynsha QR Qylmystyq kodeksiniń 345-babynyń 3-bóligimen sotqa deıingi tergep-tekserý áreketteri bastaldy», - dep málim etti Qyzylorda oblystyq polıtsııa departamentinen.

Vedomstvo málimetinshe, tıisti sot saraptamasy taǵaıyndalǵan. Oqıǵanyń mán-jaıy anyqtalýda.

Eske salsaq, budan buryn Qyzylorda oblysynda jantúrshigerlik jol apatynan tórt adam mert boldy.

Sondaı-aq, Qyzylorda oblysynda benzovoz jeńil kólikke soǵylyp, 4 adam kóz jumdy.

Foto: polisia.kz