Qyzylorda oblysynda kóktaıǵaq saldarynan jol jabyldy

QYZYLORDA. QazAqparat - Qyzylorda oblysynda aýa raıynyń qolaısyzdyǵynan «Shymkent-Samara» tasjolynyń birqatar bóliginde jol jabyldy, dep habarlaıdy QazAqparat tilshisi.

Bul jóninde Qyzylorda oblystyq tótenshe jaǵdaılar departamenti málim etti.

Onda «Shymkent-Samara» tasjolynyń 1240-1646 shaqyrym aralyǵy kóktaıǵaq saldarynan jabyq ekeni aıtylǵan. Ol Qarmaqshy aýdany men Aqtóbe oblysynyń aralyǵyn qamtıdy.

Eske salsaq, budan buryn 29 qańtarda Qyzylorda oblysynda kóktaıǵaq saldarynan «Shymkent-Samara» tasjolynyń 1473-1939 shaqyrym aralyǵynda kóliktiń barlyq túriniń qozǵalysyna jol jabyldy. Atalǵan aýmaq Qazaly aýdanynyń ortalyǵy Áıteke bı jáne Shıeli kentiniń aralyǵyn qamtıdy.

https://kaz.inform.kz/news/kyzylorda-oblysynda-koktaygak-saldarynan-zhol-zhabyldy_a3892433