Qyzylorda oblysynda kıik atqan turǵyn anyqtaldy
Qyzylorda oblysy polıtsııa departamentiniń qyzmetkerleri jedel-izdestirý sharalaryn júrgizý barysynda joıylyp ketý qaýipi tónip turǵan kıik janýaryn atyp, onyń múıizi men etin tasymaldap, saqtap, ótkizip, qylmystyq jolmen qarajat taýyp júrgeni úshin oblys turǵynyn quryqtady.
Kúdiktiniń turǵylyqty mekenjaıyn tekserý barysynda eki kıik, odan bólek soıylǵan et, teri, 36 kıik múıizi, bir nómiri óshirilgen 16-kalıbrli ańshy myltyǵy, balta aıǵaq zat retinde alyndy. Atalǵan derek boıynsha QR QK-niń 339-baby 3-bóliginiń 2-tarmaǵymen (Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) sotqa deıingi tergep-tekserý bastaldy.
Qylmystyq is boıynsha qajetti sot saraptamalar taǵaıyndaldy, tergeý jalǵasyp jatyr.