Qyzylorda oblysynda ken ornynda gazǵa ýlanǵan eki kúzetshi kóz jumdy
10:35, 13 Jeltoqsan 2022
QYZYLORDA. QazAqparat - Qyzylorda oblysynda ken ornyndaǵy metall vagonnan jasalǵan turǵyn jaıda ýly gazdan ýlanǵan eki adam kóz jumdy, dep habarlaıdy QazAqparat tilshisi.
Atalǵan oqıǵa baılanysty habarlama oblystyq tótenshe jaǵdaılar departamentine 12 jeltoqsanda saǵat 20:30 shamasynda kelip túsken.
«Onda seriktestiktiń biriniń ókilinen Syrdarııa aýdany aýmaǵynda ornalasqan Belqudyq Tuzkól uńǵymasy No49 ken ornyndaǵy turǵyn jaıǵa arnalǵan metall vagonda kómirtegi gazymen ýlanǵan eki adamnyń qaıtys bolǵany aıtylǵan. Olar - 1972, 1975 jylǵy azamattar, Qyzylorda qalasynda turady. Jergilikti seriktestiktiń birinde kúzetshi qyzmetin atqarǵan», - dep málim etti Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Eske salsaq, budan buryn Qyzylordada 52 kópqabatty úı gazsyz qaldy.