Qyzylorda oblysynda qaýyn tıelgen júk kóligi tolyǵymen janyp ketti
20:04, 09 Qyrkúıek 2023
QYZYLORDA. QazAqparat - Qyzylorda oblysynda qaýyn tıelgen júk kóligi tolyǵymen janyp ketti, dep habarlaıdy QazAqparat tilshisi.
Oqıǵa «Batys Eýropa - Batys Qytaı» tasjolynyń 1 872 shaqyramynda boldy.
«Shıeli aýdanynan Reseıge bet alǵan «Volvo FH» shyqqan júk avtokóliginiń tirkemesi tolyǵymen jandy. Órttiń shyǵý sebebi - tirkemeniń dóńgelegi jarylyp, jel saldarynan ashyq jalyn paıda bolǵan. Ol tirkemege tıip órtengen. Tirkemede qaýyn tıelgen. Órt sóndirýshiler kúshimen tolyqtaı sóndirildi», - dedi Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Eske salsaq, budan buryn Aqshabulaq ken ornynda tsısterna jarylyp, bir adam kóz jumdy.