Qyzylorda oblysynda kásipkerden aqsha bopsalaǵan tórt adam ustaldy
Shıeli kentindegi oıyn-saýyq ornynyń meńgerýshisinen aýdannyń bir top jas jigitteri aqsha bopsalaǵan. Olardyń mundaı áreketteri bıylǵy jyldyń jaz aılarynan baıqalǵan.
«Atalǵan derek boıynsha QR Qylmystyq kodeksiniń 194-babynyń 2-bóliginiń 2-tarmaǵymen (Qorqytyp alý) sotqa deıingi tergep-tekserý amaldary júrgizildi. Nátıjesinde olardyń jábirlenýshiden birneshe márte aqsha alǵany anyqtaldy.
Qyzylorda oblysy Polıtsııa departamentiniń jedel-tergeý tobymen jedel-izdestirý sharalaryn júrgizdi. Sol arqyly Shıeli kentinde turatyn 29 jastaǵy turǵyn qolǵa tústi. Odan aıǵaq zat retinde jábirlenýshiden alynǵan aqsha tárkilendi. Odan basqa aýdan ortalyǵynan shıelilik taǵy kúdikti adam ustaldy», - dep málim etti Qyzylorda oblystyq polıtsııa departamentinen.
Vedomstvo málimetinshe, tórt kúdikti Qyzylorda qalalyq Polıtsııa basqarmasynyń ýaqytsha ustaý abaqtysyna qamaqqa alyndy. Qazirgi tańda qylmystyq is sheńberinde basqa da tulǵalar men mán-jaılar anyqtalyp, tergep-tekserý jumystary jalǵasýda.
Eske salsaq, budan buryn Qyzylordada arnaıy operatsııa kezinde esirtki prıtony anyqtaldy.