Qyzylorda oblysynda qart maıdangerge jańa avtokóliktiń kilti tabys etildi
Oblys ákimi Nurlybek Nálibaev Shıeli aýdanynda turatyn ardager Sársenbek Baıjanovtyń úıine baryp, Syr jurtshylyǵy atynan avtokólik kiltin tabystady.
Ǵasyr kýágeri S.Baıjanov 1923 jyly Shıeli aýdanynda dúnıege kelgen. Soǵys jyldary Stalıngradtyń soltústik batysyndaǵy Magellan qalasyndaǵy shaıqasqa qatysqan. Sol joly kózinen, qolynan, aıaǵynan jaraqat alyp, bir jyldaı gospıtalda emdelgen. Ekinshi toptaǵy soǵys múgedegi bolyp elge oralady.
«Qyzyl juldyz», «Germanııany jeńgeni úshin» ordenderimen jáne Uly Otan soǵysynyń merekelik medaldarymen marapattalǵan. Jubaıy Jámıla Seıitjanqyzymen birge 5 ul, 6 qyz, 40 nemere, 65 shóbere jáne 3 shópshek tárbıelep ósirgen.
Aıta keteıik, búginde oblysta 6 Uly Otan soǵysynyń ardageri bar.
Eske salsaq, budan buryn 100-ge tolǵan qyzylordalyq ardagerdiń qurmetine báıge men aqyndar aıtysy ótkizildi.