Qyzylorda oblysynda Qarlań kópirin salý máselesi oń sheshimin tabatyn boldy

QYZYLORDA. QazAqparat - Qyzylorda oblysynda 10 myńǵa jýyq adamnyń jol qatynasyn jaqsartatyn Qarlań kópirin salý máselesi oń sheshimin tabatyn boldy, dep habarlaıdy QazAqparat tilshisi.

Atalǵan kópir Qazaly aýdanynyń aýmaǵynda ornalasqan. Qazir Qarlań ýchaskesindegi Syrdarııa ózeni arqyly kópir salý jobasynyń memsaraptama qorytyndysy alyndy.

Jobanyń jalpy smetalyq quny - 4,4 mlrd teńge. Jobany QR Ulttyq ekonomıka mınıstrligi arqyly qarjylandyrý maqsatynda bıýdjettik usynym ázirlenip jatyr.

Aıta keteıik, «Qazaly-Qojabaqy-Bozkól-Káýkeı» avtomobıl jolyndaǵy josparlanǵan kópir qurylysy 11 eldi mekenniń baılanysyn arttyrmaq.

Olardyń qatarynda aýdan ortalyǵy - Áıteke bı kenti men Qazaly qalasyn, Órkendeý, Birlik, Qojabaqy, Arandy, Bozkól, Ajar, Tasaryq jáne Káýkeı eldi mekenderi bar.

Kópir qurylysy aıaqtalsa, shekaralas jatqan Ózbekstan memleketimen saýda-sattyq qarym-qatynasy jaqsarady.

Oǵan qosa Syrdarııa ózininiń arǵy betindegi egin jáne balyq sharýashylyǵyn damytýǵa oń septigin tıgizedi.

Bıyl Qazaly aýdandaǵy joldardyń sapasy da edáýir jaqsarǵan.

Aýdan ákimi Muhtar Orazbaevtyń aıtýynsha, bir jyl ishinde aýdandyq mańyzy bar 64 shaqyrym men eldi mekenishilik 33 kóshe jóndelmek.

Sondaı-aq, 18 kóshe paıdalanýǵa beriledi. Osydan 3 jyl buryn bastalǵan Káýkeı aýylyna baratyn avtomobıl jolyn aıaqtalmaq.

Al, Qarlań kópirinen Qojabaqyǵa deıingi, Qazaly qalasy men Álseıit kópirine deıingi joldar da jóndelmek.

Eske salsaq, Qyzylorda oblysynda jol jelisin damytý jaqsara tústi.